Ögurferðir bjóða kajak- og gönguferðir um söguslóðir í Ísafjarðardjúpi. Skoðaðu lifandi náttúru, slóðir Fóstbræðrasögu, Spánverjavíga og sögu byggðar með staðkunnugum leiðsögumönnum sem gera hið ósýnilega sýnilegt og miðla sögu svæðisins til þín.
Ferð 1 4.400 kr. | 2 klst.
Gengið um Ögurnes
» gönguferð
Gengið um Ögurnesið og sagt frá byggðinni þar sem eitt sinn bjuggu 100 manns en enginn í dag. Útsýnisleið gengin til Ögurkirkju og saga hennar sögð.
Ferð 2 7.500 kr. | 2 klst.
Ögurnes
» kajakferð
Róið frá vörinni í Ögri út í Ögurnes. Róið meðfram Hamrinum, farið í land, sagt frá búsetusögu Ögurnessins og róið til baka meðfram fjörunni.
Ferð 3 6.600 kr. | 3 klst.
Varða á Hömlum
» gönguferð
Gengið upp á Ögurháls og þaðan upp á fjall. Gengið er framhjá Gvendaraltari, kenndu við Guð- mund góða. Við eyktarmörk á fjallinu er gestabók í vörðu.
Ferð 4 11.250 kr. | 3 klst.
Ögurhólmi
» kajakferð
Róið meðfram Landhólma, sagt frá Spánverjavígum og tengdum slóðum. Róið inn í gjá þar sem sogið lyftir kakjökunum upp og niður. Farið í land í hólmanum.
Ferð 5 11.000 kr. | 4 klst.
Geldingaskarð
» gönguferð
Sjómenn kalla skarðið Ögurskarð og var það notað sem mið við veiðiskap. Undir Geldingaskarði eru farnar skriður upp í bratt skarðið.
Ferð 6 15.000 kr. | 4 klst.
Selir í sínu náttúrulega umhverfi » kajakferð
Róið þangað sem selirnir liggja á skerjum á fjörunni en fara til veiða þegar fellur að. Selirnir fara í sjóinn þegar kajakarnir nálgast og forvitnast.
Ferð 7 8.800 kr. | 4 klst.
Landhólmar
» gönguferð
Gengið með fjörunni út í Land- hólma, alveg út á enda og horft yfir sundið yfir til Djúphólmans. Gengið um forna byggð, slóðir Spánverja- víga og um gamla verstöð.
Ferð 8 3.750 kr. | 1 klst.
Æðarsker
» kajakferð
Frá vörinni í Ögri um Ögurvíkina meðfram fjörunni og töngunum sem skilja Sölvatjörnina frá víkinni að Æðarskeri og róið meðfram því ef þannig stendur á sjó.
Ferð 9 8.800 kr. | 4 klst.
Gengið upp að Ögurvatni
» gönguferð
Gengið um Ögurdal að Ögurvatni þar sem mögulegt er að setja í urriða. Sagt frá búskaparháttum áður fyrr þegar fært var til sels, heyjað á engjum og fjallagrös nýtt.
Ferð 10 15.000 kr. | 4 klst.
Vigur innan um fugla
» kajakferð
Róið beint að norðurenda Vigur og róið meðfram eyjunni vestanvert í fuglageri, aðallega lunda sem flýgur í þúsundatali út á sjó og til baka. Möguleiki á veitingum.
Lengri sérferðir
Ferðir dagur eða lengri
» kajak- og gönguferðir
Boðið er upp á lengri ferðir um allt Ísafjarðardjúp, Jökulfirði og víðar. Slíkar ferðir geta verið frá einum degi upp í hálfan mánuð. Þá eru tjöld tekin með og vistir...
Styttri sérferðir
Ferðir dagur eða styttri
» kajak- og gönguferðir
Boðið er upp á styttri sérferðir um allt Ísafjarðardjúp, Jökulfirði og víðar. Ferðirnar eru sniðnar að óskum viðskiptavina og geta verið frá einni klst. allt að einum degi.
Við bjóðum upp á fimm staðlaðar gönguferðir og fimm staðlaðar kajakferðir. Einnig er boðið upp á klæðskerasniðnar ferðir fyrir hópa að þeirra óskum.
Við tökum á móti þér í Ögri við Ísafjarðardjúp sem er um 4 klst. akstur frá Reykjavík að frátöldum stoppum og rétt um 1 klst. frá Ísafirði. Í samkomuhúsinu í Ögri förum við yfir ferðina og nauðsynlegan búnað.
Við útvegum nesti ef þess er óskað. Við mælum með að fólk sé vel búið og hafi með sér meira af fatnaði en minna.
Við útvegum búnað vegna kajakferðanna en mælum með að fólk taki með sér hlý föt næst líkamanum. Skoðið upplýsingar á síðunni með minnislista yfir nauðsynlegan búnað.
Vinsamlega notið bókunarsíðuna eða sendið tölvupóst eða hringið. Hægt er að koma við í Ögri og athuga hvort laust er í ferð en öruggara er að bóka með fyrirvara.
